Os Van Gogh das Xirafiñas

Como verdadeiros artistas estamos rematando o noso proxecto do Universo porque a profe Cris presentounos un cadro moi chulo, aínda que un pouco raro, dun pintor que se chamaba Van Gogh.

Despois de falar sobre o que nos parecía o cadro, que había debuxado nel, que cores empregaba... falamos un pouquiño sobre o autor do cadro, e ata aprendimos o nome dunha árbore: o ciprés!!

Pero como aprendemos de verdade é experimentando, así que metímonos na pel do pintor e convertémonos en Van Gogs para crear a nosa propia artistada!!

O pasamos moi ben pintando coas ceras brandas (que son moi rápidas) e rematándoo con acuarelas.
As acuarelas tamén sorprenderon moito porque a profe Ana fixo un "experimento" reciclando os rotus que xa non pintan ben, e quedou estupendo!!