COUSAS DA NOSA CLASE: As sorpresas da primavera

FRASES CON FIRMA

Antón: Estamos aprendendo a facer a asamblea, e o pasado xoves, como estabamos todos moi tranquiliños a profe decidíu que era un bo momento para explicar que nese intre iamos poder contar aos compis o que nos quixeramos, sempre levantando a man e escoitando. Antón levanta a man e a profe dalle a palabra, míranos a todos, levanta os dedos a altura da súa cara e: "1, 2, 3.." (22/9/11) Está claro que non o expliquei ben...

Inés: Falando de que o noso compi Unai tiña varicela, que era unha enfermidade na que saen un montón de graniños, Inés díxonos: " mi mamá también tiene un granito, pero es una espinita.....(quedou pensando) de un pescado!!" (24/10/11) Isto é asociar ideas...

Unai: Estabamos vendo as letras do nome do encargado, pensando palabras que empezaran por esas letras e tocoulle o turno á letra R: "Ri..." Unai queda pensando...e de pronto, dí moi baixiño "ring, ring" levanta a man moi orguioso "TELÉFONO!!!" (14/12/11) Estas relacións infantís sempre sacan unha boa risa...

Andrés: O xoves de Entroido falámavos sobre as cousas que trouxeran para a merendola, e preguntei se trouxeran orellas; "siiiiiii, yo dos!!! (tocándose as orellas)" (16/2/12) Menos mal que ninguén pegoulle un mordisco!!
Diego: Estamos empezando un proxecto de investigación sobre o universo, que arrincou cunha discusión sobre o día, a noite, as estrelas... Así que despois de recoller as ideas previas sobre o tema, íamos a plantexarnos unhas preguntas sobre o que queriamos aprender, ao que Diego contestou moi seguro: "Yo a conducir". (3/10/12) As prioridades están claras!!
Unai: ante unha saída para observar as árbores e recoller algúns froitos do Outono, falabamos na clase sobre os árbores que coñeciamos e os froitos que daban (cun pouco de lío nalgúns momentos). Chegamos ata a mazá e tras a pregunta: de onde sae a mazá? Unai moi convencido: "del frutero!!" (4/10/12) E o leite do brick, lóxicamente!!

Inés: Botándolle unha ollada aos libros sobre o universo do noso recuncho de investigar atopamos un astronauta. Algúns comentaron: "un marciano!!". Candela dixo: "no, no, dentro va un señor"; "si, e como se chama?", ao que Inés contesta: "pues, Manolo!" (4/10/12) Igual non sabemos o nome de todos, pero este chamase Manolo seguro!!

Andrés: Estamos aprendendo cousas novas cada día, e descubrindo as sumas preguntei se sabían que era ese símbolo (+) e Andrés o tiña clarísimo "una cruz de salud!" (27/9/13) Que confusas son as mates!!

Inés: Durante a asemblea comezamos a falar sobre os nosos apelidos, e que era importante saber cales eran os nosos apelidos, así que Inés (Ares) comenta "sí, sí... hay que saberse los apellidos y las rías!! ??? "claro, como la ría de Ares!!" (20/1/14) O que aprendemos cos apelidos...

Bryan: Estabamos preparados para contar o conto "Menestra de monstruos" e preguntei "¿que é unha menestra?" ao que Bryan contestou: "Yo lo sé, es la que manda!!" (12/2/14) Xa quixeran as ministras!!

jueves, 4 de abril de 2013

As sorpresas da primavera

Aínda que o tempo non acompaña, a primavera xa está aquí e con ela os invitados habituais: os vermes da seda.
Aínda son moi, moi pequeniños, son larvas que acaban de saír dos oviños e teñen que comer moitas follas de moreira para facerse grandes e completar a súa transformación.
Se alguén quere levar oviños e larvas pode pedirnolas, e se ides de paseo e vedes folliñas podedes traelas, seguro que as larviñas volo agradecerán!!

Pero non foron os únicos descubrimentos da semana, porque a bolboreta Iago trouxo uns cágados moi pequeniños para que os puideramos ver. De seguro que agora xa están desfrutando dunha charca onde poder medrar ata converterse en rás.

E para rematar cos descubrimentos naturais hoxe prestáronnos unha maceta cunha pranta un pouco "chuchurría".
Despois do debate: non lle botaron auga, non tivo luz... descobrimos algo na terra da maceta: patacas!!!
Así que falamos un pouco sobre os distintos tipos de prantas, e parte que aproveitamos de cada unha.
Xa vedes que non paramos de aprender!!!

1 comentario:

Iria Lamas dijo...: Es increíble la cantidad de cosas que aprenden y se les ve muy interesados en todo!! son unos súper investigadores, a ver si de verdad llega la primavera y pueden disfrutar de muchas mas cosas!; 5 de abril de 2013, 22:58

Publicar un comentario