Máis investigacións sobre "Bebés"

Somos xa uns grandes expertos sobre os bebés pero cada día descobrimos máis cousas, e moitas grazas a colaboración das familias, neste caso a de Marcos, dos cabaliños, que trouxo o seu cordón umbilical.
Ao principio non sabiamos de que podía tratarse: unha rama?, un óso? Cando a profe contounos o que era quedamos abraiados, parecianos moi pequeno e algo "espachurrado" e seco, pero enseguida entendimos que era como a folla seca dunha árbore en outono.



Tamén achegámonos á arte a través do proxecto e traballamos o cadro "Nai e fillo" de Gustav Klimt.
Despois de moitas observacións, charlas e especulacións sobre que nos parecía, que pensabamos que estaba pasando na imaxe, porque estaban así... decidimos facelo noso para poder engadilo ao noso libriño do proxecto.
Somos uns grandes artistas e repasando as liñas con ceras brandas e logo pintando con acuarelas conseguimos este resultado tan impresionante!!!


E para completar as nosas investigacións agora podemos traballar cun novo xogo de ordenador sobre o tema, no que facemos asociacións, descobrimos parellas, facemos puzles... Podedes xogar pinchando no enlace da columna da dereita ou aquí.